HOTDL 下載王: [下載王推介] Android 手機提速必裝刪除重複檔 3 大好用 apps

Android 手機提速必裝刪除重複檔 3 大好用 apps

手機用得耐發覺慢咗好多？咁係時候清理一下手機內既「垃圾」了。可能好多野都唔捨得刪走，又冇時間成日 back up，咁刪走一啲重複既檔案唔會心痛吧？呢個係其中一個可釋放空間同提速既辦法，不妨試試啦！

app 01：清除 WhatsApp 多餘檔《WCleaner for WhatsApp》
其實當大家用《WhatsApp》傳送檔案俾其他人時，該檔案會儲存喺手機內既 WhatsApp Media/Sent 檔案夾，同一個檔案再 Sent ，又出現多一次。想清理《WhatsApp》中「重複」的相片檔案，透過《WCleaner for WhatsApp》就可以了！
方法好簡單，進入軟件後，全選 Sent 資料夾內的相片，一按便可清走。留意在「Received」資料夾內的相片檔案，一旦刪除了就不能回復，當再進入有關對話匣時，也無法再查看這些相片。所以，用家可在清單上一邊預覽相片，一邊勾選無用的相片。如打開指定的相片，亦可以將它儲存在手機另一個資料夾內保存。

【資料】
適用平台：Android 2.2 或以上
檔案大小：26KB
軟件售價：Free
下載方法：Play Store→搜尋字串：WCleaner for WhatsApp

app 02：重複檔立時鏟走《SD Maid》
手機資料太多，唔想手動耗時搵出重複檔案，可安裝《SD Maid》以幫忙。只要一按，便會自動搜尋手機內的同名檔案，又有圖示讓用家一目了然。
方法很簡單，只需於主介面的功能選項，按〈Duplicates〉，便會自動掃出手機內的相同檔案。用家可以選擇全部刪除，又或保留最新或最舊的版本，亦可手動刪除。

【資料】
適用平台：因裝置而異
檔案大小：因裝置而異
軟件售價：Free
下載方法：Play Store→搜尋字串：SD Maid

app 03︰即掃相同聯絡人《Duplicate Contact -1 Clik Soln》
要數經常出現的重複資料，相信聯絡人也佔一席，同樣要手動找出重複的聯絡人資料，是一件極煩人的任務，但只要利用此程式便可輕鬆找出。開啟後，先進行備份，把手機的舊有聯絡人建立一個備份檔。不消半分鐘，程式便可根據名稱或號碼作基礎，找出重複的聯絡人。
搜尋結果中，可選擇根據相同號碼之下，又或相同名稱下找出的相同聯絡人資料，但留意
免費版本只可刪除 20 個重複的聯絡人資料，要刪除更多的則需升級上 Pro 版 (HK$15.51)。