下載王帶你看看現在的香港樂壇 還有什麼有質素有購買價值的大碟!
【唱片分享】入手了 – 全亞洲人的青春印記 Beyond 30 Anniversary
今年係 Beyond 30年, 要佢地合作攪演唱會就基本上都冇咩可能架勒, 所以就係因為咁, 各大唱片公司有版權既都"出返一分力", 去出D精選碟, 或BOX SET來比 Beyond迷可以滿意一下收藏欲, 佢地又可以借機搵返D外快咁啦..
Beyond係咁多年, 大大話話都轉過幾間唱片公司, 最早期既唔講, 由新藝寶開始, 到佢地去日本發展既華納時代, 再到家駒出事後, 日本返來的滾石, 呢隻碟都大既收錄了佢地最HIT既歌曲, 而呢隻碟中既廣告做得非常之好, 因為真係冇講錯, Beyond絕對係全亞洲人的青春印記, 而最難得既, 應該都係隻DVD, 因為DVD收錄左家駒時代係無綫電視MV, 呢D片段都真係幾珍貴, 聽難得, 依家睇返雖然真係"娘"到爆, 不過果個年代就係咁, 哈哈!!!
另外, 呢隻CD既廣告中, 仲有標榜DSD數碼重新編製, 但其實小瑟都有哂佢地之前既出既唱片版本, 基本上小瑟唔覺得呢個什麼 DSD數碼重新編製會另唱片有什麼靚左聲之類既幫助, 我反而覺得佢地3隻CD, 咁多首歌出黎既音質, 就係同佢地當年出唱片時既音質一模一樣, 即係新藝寶時期既"不再猶豫", “誰伴我闖蕩", 一樣係同原版咁, 平均唔突出, 當聽流行曲一樣, 而華納時期既"不可一世","我是憤怒"等, 都係一樣高音小小標, 好有重金屬日本風味, 係唯一一個真係非常抱歉既就係滾石時期之後既錄音, 小瑟真係可以用"差"來形容, 成首"We Don’t Wanna Make It Without You"聲音非常空洞, 什音好重, 回音又多, 真係可以用"嘈"字來形容呢.
但好彩, 仲有隻DVD頂得二咀, 隻DVD內既影片, 絕對超珍藏, 睇返佢地D N年前既樣, 一來好好笑, 二來又覺得佢地真係香港樂壇第一批為樂隊打拚既BAND友, 即時另小瑟想返起當年BAND友盛行年代, 太極, RAIDS, 達明, 等等, 好懷念呢~~~@@"
呢隻DVD大家都應該唔會對聲畫有什麼希望吧, 純粹當個紀念就好了!!!
留意一下這個表, 表中凡是ROCK RECORD的歌曲,音質都係比較…………………………………..X的啦~~(自己對號入座啦!!XDDD)
總結
呢隻碟真係冇野講, 就算你之前有哂佢地既歌, 呢隻都其實係必入的, 一來因為隻DVD, 二來選曲都幾有心思, 可以話將BEYOND咁多年既音樂旅程縮短一次同大家重溫, 所以…………買啦!!!!!!XDDDDDDDDD
沒有留言:
張貼留言